[品牌故事] 1美元的報紙炒到50美元，原因係一個LOGO

呢個係潮牌《Supreme》聯名《紐約郵報》的合作，當日的頭版冇新聞，只有紅底白字的LOGO，20萬份報紙一朝就賣晒，網上拍賣仲炒到上50美元。

Supreme由當初專賣滑板周邊商品，演變至今市值21億美元，成為美國街頭文化的象徵品牌，只要印上Supreme LOGO，連磚頭都炒得起。一齊睇下呢個品牌有咩過人的行銷技巧?

首先，Supreme深諳聯名合作的力量，早於96年Supreme就開始尋找各個品牌crossover推出產品，目的係炒起一個個話題，滲入各個關注時尚的社群，提高品牌的地位及知名度。20年間合作過的品牌多到數唔晒，VANS、GOODENOUGH、FILA、Nike、The North Face、Champion、Jordan Brand等等，你都可以搵到Supreme的身影。

Supreme唔單止會同大品牌聯名， 亦與音樂界的明星有多次合作，由初期的Hip-hop歌手到之後的流行巨星，Rihanna、Kanye、Justin Bieber、Drake、Lady Gaga等等，佢地會參與T恤設計，或是印喺Supreme的衣服，令品牌接觸更多熱愛流行文化的群眾。

第二點，於01年Supreme老闆James Jebbia決定「限量」推出商品，要求商品的供應數量減少，打造「求過於供」的現象。每個星期四推出新商品，只可以喺官網預購或實體店排隊，逢週四經常會見到店外大排長龍，有多個保安管理秩序。新推出的商品基本上唔會重覆，開賣當日你搶唔到，只可以入2手市場購買，間接令2手市場非常火熱，經常有高價轉售獲利的新聞。因為呢個策略上的轉變，將Supreme的人氣更進一步推升，商品仲慢慢演變成「收藏品」。

第三點，Supreme的宣傳手法非常反潮流，新產品的資訊好神祕，甚少會落廣告做宣傳，就算訂閱咗網站的電子報都唔一定收到資訊，你要主動上討論區或者FANS開的群組先可以攞到最新資訊，所以一直都係FANS追逐著品牌走，呢個風格亦係令FANS著迷的地方。

Supreme從製作到銷售都貫徹滑板文化的叛逆精神，品牌食正街頭文化的崛起的時間，充滿個性的品牌吸引一大班年輕人追棒。而家新商品的二手市場轉手平均市價上升12倍，Supreme獨榭一格的行銷模式，將產品的市場價值大大推升，成為全球最具人氣的潮牌。

source：Supreme

Wanna Ad 不是一間Digital Marketing Agency. 我們稱自己為Multi marketing x Analysis 公司, 按照客人需要提供合適商品, 不會局限於一個框架. 如果你對我們的服務感興趣, 歡迎隨時聯絡我們. 亦可以關注我們於Facebook 及Instagram 上的更新, 看到更多我們有關行銷的分享. Facebook : 有種Marketing Instagram : wannaad_hk Website : www.wannaad.com

#品牌故事#Supreme#有種Marketing#有種Marketing品牌故事