[吹水一聞] 因咩原因咁多人愛上《天竺鼠車車》？

呢個星期畀《天竺鼠車車》瘋狂洗版，睇到大量二次創作，仲有留言話「小朋友先睇《鬼滅之刃》，真男人都睇《天竺鼠車車》」，好奇心驅使下一口氣睇晒3集 (1集的片長唔夠3分鐘)，終於明白爆紅的原因~ 首先係造型方面，天竺鼠車車用毛氈製作，身體毛茸茸，配音使用真實天竺鼠的叫聲，而且保留咗天竺鼠的特徵，例如見到紅蘿蔔會忍唔住停喺度食，以爬行方式走路，可愛的行為好快會俘擄你的心。 第二點係想像空間，天竺鼠車車有私家車、救護車、警車等造型，全部都有個性化返計，各有性格及特色，令觀眾會期待新的天竺鼠車車出場，刷出新火花。 第三點係老少咸宜，得意的造型令大人小朋友都鍾意，劇本的題材圍繞人類社會常見的事情展開，例如日常的塞車、銀行搶劫案、疏忽照顧寵物，相信大人睇到會有好多共嗚位，最後見到車車用跳出常規的方式解決問題亦非常治癒。 《天竺鼠車車》成為2021年第一套爆紅的動畫，呢個以動物為原型的可愛生物，已經同當地的餐飲品牌合作推出主題套餐。以商業角度去睇，呢個動畫IP非常親民，時裝、餐飲、精品文具、居家用品等領域都適合授權合作，相信隨著動畫的人氣上升，會見到更多商業合作。

source：天竺鼠車車

Wanna Ad 不是一間Digital Marketing Agency. 我們稱自己為Multi marketing x Analysis 公司, 按照客人需要提供合適商品, 不會局限於一個框架. 如果你對我們的服務感興趣, 歡迎隨時聯絡我們. 亦可以關注我們於Facebook 及Instagram 上的更新, 看到更多我們有關行銷的分享. Facebook : 有種Marketing Instagram : wannaad_hk Website : www.wannaad.com

#吹水一聞#天竺鼠車車#有種Marketing#有種Marketing吹水一聞