[行銷案例] 內地「喜茶」飢餓行銷策略 - “一杯難求”

「喜茶」呢個品牌初初登陸香港，銅鑼灣嗰間鋪排隊的人多到打晒蛇餅。估唔到一杯嘢飲可以等同買Gucci / 買Iphone咁，消費者願意等2個鐘只為搶先飲到一杯芝士奶蓋茶，傳聞上海分店開業時要排7個鐘先買到，到底佢有咩魔力吸引到過百人排隊? “一杯難求”係「喜茶」起家的行銷策略之一，亦係我哋好常聽到的飢餓行銷招式。開業前重金向多個傳媒連日落廣告，通知大家佢地係一間XX主題排隊7個鐘先飲到的打卡店，店鋪揀選人流量大的位置，首日以買一送一作招徠，再推出限量飲品及紀念品，畀辛苦排隊的人影相打卡分享戰利品，喺社交媒體做二次傳播，吸引更多潛在消費者跟隊試新嘢。 飢餓行銷係常見的行銷招式，針對人類“從眾心理”呢一點。行銷人會有意控制產品的供應量或者喺門市製造排隊現象，目的係產生好搶手同供不應求的感覺，即係“吊高黎賣”，消費者想試就需要付出時間成本。吊胃口的做法無疑有唔少好處，除咗營造出產品熱賣的形象及製造話題性，而且當產品的味道滿足到消費者，亦會對品牌加分，提高口碑傳銷的效果。 越難得到嘅嘢越值錢，飢餓行銷可以倍增消費者的慾望。當你的品牌有一定基礎，而且手上的產品有獨一無二的優勢，短期內無法模仿，就可以考慮用媒體宣傳造勢推動飢餓行銷。

source：internal

Wanna Ad 不是一間Digital Marketing Agency. 我們稱自己為Multi marketing x Analysis 公司, 按照客人需要提供合適商品, 不會局限於一個框架. 如果你對我們的服務感興趣, 歡迎隨時聯絡我們. 亦可以關注我們於Facebook 及Instagram 上的更新, 看到更多我們有關行銷的分享. Facebook : 有種Marketing Instagram : wannaad_hk Website : www.wannaad.com

#行銷案例#喜茶#HEYTEA#有種Marketing#有種Marketing行銷案例