[行銷案例] 每逢冬季為果汁樽戴上”小冷帽”，背後有一個超窩心理由

英國飲品公司 Innocent Drinks 每年聖誕都會幫果汁樽製作一頂頂可愛的"小冷帽"，有動物、生果、間條紋等造型，全人手製作，所以每頂冷帽都唔同，了解後發現係一個窩心的慈善行銷活動，而且持續咗17年之久。

英國人口老化嚴重，超過18%的人口大於65歲，當中有唔少係獨居老人，Innocent構思咗一個叫 ”Big Knit” 的行銷活動，每年秋冬之際向社會募集可以0套喺果汁樽上面的 "小冷帽"，然後臨近聖誕喺各大超市上架出售，每賣出一樽果汁，就會向幫助老人的慈善機構“Age UK” 捐出25 便士，相當於果汁標價的15%。

用Marketing的角度去睇，呢個活動係慈善義賣的變體，普遍慈善義賣的做法係將用作義賣的產品出售，部份的收入捐畀慈善機構，呢個做法會吸引 樂於助人的人 和 想買產品的人消費。而 ”Big Knit” 活動唔係單純的義賣，係額外加入 “小冷帽” 於果汁出售，吸引埋鍾意飲果汁的群體，當果汁售價冇變，同時增加咗3個附加價值，1) 滿足到做慈善的心理 ; 2) 得到一頂造型可愛的手作冷帽 ; 3) 冬季限定產品，多重的誘因底下驅使消費者購買的機會。

另外仲有一點值得一提，由於 "小冷帽" 係由志願者人手編織，每頂的設計都各有特色，促使好多鍾意 ”集郵” 的人四出收集，變成為咗得到 "小冷帽" 而買果汁。喺eBay上面，有啲造型獨特的 "小冷帽" 仲會有炒價，單售3-9英鎊不等。銷量上升公司賺到錢，然後慈善捐款又提升公司形像，所以活動做咗17年，長做長有。

source：internet

Wanna Ad 不是一間Digital Marketing Agency. 我們稱自己為Multi marketing x Analysis 公司, 按照客人需要提供合適商品, 不會局限於一個框架. 如果你對我們的服務感興趣, 歡迎隨時聯絡我們. 亦可以關注我們於Facebook 及Instagram 上的更新, 看到更多我們有關行銷的分享. Facebook : 有種Marketing Instagram : wannaad_hk Website : www.wannaad.com

#行銷案例 #InnocentDrinks #有種Marketing #有種Marketing行銷案例