[行銷案例] 超成功包裝設計，用出世時間展示何謂「新鮮橙汁」！

橙汁的標準不外乎係「新鮮」、「即榨」、「100%果汁」，不過每間橙汁商都係咁包裝產品，點先可以突圍而出?

.

全世界每日賣出5億5千萬公升橙汁，歐洲佔咗接近一半，競爭激烈的環境更需要有突破的Marketing思維。

.

法國連鎖超市Intermarché就推出過一款引起熱潮的橙汁！以橙汁製造時間為賣點，喺樽身印上超大嘅時間數字，例如《8：54》顧名思義橙汁喺8：54分製造，橙汁名字就係佢嘅出世時間，直接將「新鮮」嘅概念實體化。呢款包裝讓消費者直觀意識到橙汁嘅新鮮程度，強化了「新鮮」嘅印象，即時大受歡迎！

.

一個小改動就將橙汁呢種簡單嘅產品注入咗獨特性，改變消費者嘅觀感。

呢個case展示咗如何重新定義一個概念，構思出更易直擊靈魂嘅廣告手法，先至有效到打動消費者嘅心。

#行銷案例 #Intermarché #係要講包裝